Kumpulan Humor Singkat Bahasa Jawa – berisi beberapa anekdot dan percakapan lucu dalam bahasa Jawa. Tetap mengusung banyolan khas gaya republik gondes yang rada kasar, sekenanya dan maksa banget. Orang awam (apalagi wong bule) mungkin bakal mengernyitkan dahi plus bingung: ini humor letak lucunya di mana? Nah, disitulah lucunya. Udah tahu nggak lucu kok masih aja terus membaca hahaha...
Oh ya, beberapa anekdot ini tak semuanya baru. Ada beberapa humor lama dalam bahasa Indonesia yang udah diposting di republik gondes diterjemahkan ulang dalam boso Jowo. Tolong yang udah baca jangan protes ya. Selain itu antara materi lawakan sama gambar meme ilustrasinya tak sama bahasanya. Memenya pake bahasa Indonesia sedang anekdotnya nganggo boso Jowo. Rajelas kan?
Langsung aja kita ngakak bersama dalam humor singkat bahasa Jawa berikut ini:
Paijo Chat on WhatsApp
Paijo ngelu sirahe mergo Painem, pacare ngambek. Paijo banjur nyandak hape terus kirim pesen lewat aplikasi WA. Iki isine chat antarane Paijo karo Painem:
Paijo: Yang...
Yang yang... ndasmu peyang? :Painem
Paijo: Say...
Say say... kowe iku sayton! :Painem
Paijo: Beb...
Bab beb bab beb... rupamu kayak bebek! :Painem
Paijo: Sek nesu karo aku ya?
Paijo: Kok gak dijawab?
Paijo: Yo wis aku nyang omahmu ya?
Mreneo nek pingin tak pacul raimu!! :Painem
Paijo: Waduh! Ojo galak galak ngono. Mengko ilang ayune lho... J
Ra usah kakean omong. Nek pingin mati, terusno ngganggu bojone uwong :Painem
Paijo: Lho, iki Painem opo dudu?
Bojone, Cuk!! :Painem
Oalah Jo... Paijo! Perawan sek akeh. Rondo yo sak abreg. Lha kok macari bojone uwong. Nek ketemon ngene iki opo sirahmu ora terancam puthul? Makane dadi manungso iku mbok yo ngerti norma susila barang. Wis mbuh sak karepmu! Sing penting ngakak waelah, hahaha...
Gareng Dadi Agen Rahasia
Semar bungah atine mergo Gareng sing wis suwe merantau nyang Jakarta mudik balik omah. Petruk lan Bagong ora kalah seneng mergo ditukokno hape anyar.
“Wah kowe saiki tambah mboys, Reng...” ujare Petruk sumringah
“Kowe nok kutho nyambut gawe opo to le, kok ketoke kepenak tenan?” takon Semar
“Dadi agen rahasia, Romo,” jawab Gareng
“Wuih...! mantep tenan iku,” Bagong sajak gumun
“Kayak James Bond gawanane pistol ngono tah?” Petruk ora kalah kagum
“Yo ora ngono kuwi. Agen rahasia nok Indonesia iku ora podo karo nok film,” jawab Gareng
“Lha nek ora nggowo pistol terus senjatane nek pas tugas iku opo?” pitakone Romo Semar
“Yo cukup kertas karo pulpen ae,”
“Sek sek... sakjane awakmu iku dadi agen rahasia opo to kok senjatane mung kertas karo pulpen?”
“Nganu... Ehm... ” Gareng meneng karo clingak clinguk sak durunge nerusake jawabane, “tulung ojo rame rame yo, iki rahasia. Sakjane aku dadi agen togel...”
“Opo...?!” Semar, Petruk lan Bagong kaget sampek njumbul bareng.
“Raimu iku Reng...!! agen togel ae ngakune dadi agen rahasia!” Semar mbengok mergo nesu
“Agen togel iku kan yo rahasia, Romo... mergo nek ketemon mesti dicekel polisi. Bener ora, Truk?”
“Bener ndasmu sempal!!” sahut Petruk mangkel
( ( - ))
(Humor Gareng Petruk lainnya bisa dibaca di: Guyonan Jowo Modus ala Gareng Petruk)
Bocah Ndeso Nyang Kota
Ceritane aku ini bocah ndeso. Sak umur umur ya lagi saiki budal menyang kutho. Dadi ojo gumun nek kelakuane rada katrok.
Sementara digolekno kerjoan karo pakdhe, aku ngenteni manggon nok omahe. Tapi yo bosen nok omah dewean mergo nek wayah isuk pakdhe karo budhe nyambut gawe. Anak anake ya do sekolah.
Iseng iseng aku metu, pingin weruh kahanan. Pertama muter-muter nok njero komplek perumahan. Suwe-suwe metu nok jalan raya. Dasar apes! Pas nok tikungan kok pas ono cegatan polisi lalu lintas. Saking kagete aku sampek mandeg jegrek nok tengah dalan, ora adoh soko polisi polisi iku. Jantungku deg-degan. Keringet pating delewer nelesi kaosku sing ono tulisane “my trip my adventure”.
“Waduh! Mati aku! Aku lali ora nganggo helm, ora nggowo STNK, SIM yo ora gableg! Mesti ketilang iki,” pikirku.
Lha, lak tenan to. Salah sijine pak polisi sing brengose sak kepel mirip karo pakdhe Karwo mlaku nyedek. Aku pingin puter balik tapi ora iso mergo nok mburiku akeh kendaraan sing tan tin tan tin ngebel.
“Duh gusti..., tulungono aku,” dongaku nok njero ati. Mbarang delok cincin akik nok drijiku, aku njur kelingan wejangane simbah naliko menehi akik ini. “Ngger..., Gondes putuku sing ngganteng dewe. Nek awakmu ngadepi bahaya, emuten akik iki terus usapno nok bokongmu karo wacanen mantra sing wingi tak ajarke. Insya allah bakal selamet uripmu.”
Pesene simbah tak turuti. Cincin akikku tak copot, tak emut terus tak usapno nok bokong karo moco mantra rahasiane simbah.
Ajaib! Pak Polisi ora sido nilang, malah mesem sajak kagum ndelok cincin akikku.
“Wah, akik kecubung biru ya?” pitakone pak polisi. “Asli apa palsu?”
“Nggak tahu pak,” jawabku rada gugup
“Boleh aku lihat?” Polisi iku ketoke penasaran. Maklum waktu iku pas lagi demam batu akik.
Aku ora iso nolak. Akikku tak kekno deweke.
Watu akikku diteliti, ditrawang lan diambung. Pak polisi banjur ngomong, “dilihat dari warna dan baunya, kelihatannya ini kecubung biru asli. Nggak dijual?”
“Oh, nggak pak. Itu akik sakti pemberian kakek saya,” jawabku karo setengah jijik. Lha wong bekase silitku kok diambungi. Embuh piye ambune iku.
“Ya sudah, kalau begitu silahkan lanjutkan perjalanan. Tapi jangan belok ke kanan ya, di situ becak dilarang melintas.”
“Duh Gusti, selamet... selamet...” pikirku karo nggenjot becak sak kuate
((-))
Humor soal akik iso sampeyan klik nok kene “Cerita Lucu Tentang Batu Akik”
Humor singkat bahasa jawa ini saya cukupkan di sini dulu ya? Capek nulisnya. Kamu juga jadi bosen kalo terlalu banyak kan? Hanya satu pesan moral dari anekdot-anekdot ini: "jadi orang itu biasa baelah... ra usah kakean gaya". Kalo masih pingin baca banyolan boso jowo buat ngakak, klik ini deh tempat kumpulan anekdot dan lelucon bahasa Jawa versi republik Gondes: Dagelan Jowo
No comments:
Post a Comment